einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5669 daz ir mîn her Gâwein wart.diu junger greif die nâchvart: daz machet ir kintheit, dazs ir ir willen hete geseit. dô diu junger kam hin nâ,5674 dô vant sî die altern dâ. diu was ir kempfen harte vrô; doch gelobet ez her Gâwein sô daz sîz niemen solde sagen. nû was in den selben tagen5679 diu küneginne wider komen, die Meljaganz hete genomen mit micheler manheit. ouch was in niuwelîchen geseit von dem risen mære,5684 wie er erslagen wære, den der rîter mittem lewen sluoc. des genâdet er im gnuoc mit worten und mit muote, her Gâwein der guote,5689 wand erz durch sînen willen tete. |